बारम्बार सोधिने प्रश्नहरू

थप हेर्नुहोस

कार्यालयको आधिकारिक वेबसाइटमा ताजा सूचना, प्रकाशन, कानूनी दस्तावेज तथा कार्यालयसम्बन्धी जानकारी प्रकाशित गरिन्छ।

मृत्युको कारण थाहा नभएको वा संक्रामक रोगको शंका भएको अवस्थामा मृत पशुलाई जथाभावी काट्ने, बेच्ने वा अन्य पशुको सम्पर्कमा ल्याउने काम गर्नु हुँदैन। सम्बन्धित पशु प्राविधिक/कार्यालयलाई तत्काल जानकारी गराउनुपर्छ।

उन्नत नश्लको पशुको वीर्य प्रयोग गरी पशुको प्रजनन गराउने प्रविधिलाई कृत्रिम गर्भाधान भनिन्छ। यसबाट नश्ल सुधार तथा उत्पादन क्षमता बढाउन सहयोग पुग्छ।

बिरामी पशुलाई सम्भव भएसम्म स्वस्थ पशुबाट अलग राखी तुरुन्तै नजिकको पशु सेवा प्राविधिक वा कार्यालयमा जानकारी गराउनुपर्छ। रोग फैलिन सक्ने अवस्था भएमा पशु आवतजावत नियन्त्रण तथा जैविक सुरक्षा उपाय अपनाउनुपर्छ। पशु स्वास्थ्य कार्यक्रमअन्तर्गत रोग तथा महामारी नियन्त्रणसम्बन्धी कार्य पनि गरिन्छ।

पशुको रोग पहिचान नगरी आफैं औषधि प्रयोग गर्नु उचित हुँदैन। पशु चिकित्सक वा प्राविधिकबाट परीक्षण गराई उनीहरूको सल्लाहअनुसार औषधि प्रयोग गर्नुपर्छ।

कार्यक्रम तथा उपलब्धताअनुसार खोरेत, पीपीआर, रेबिज, स्वाइन फिभर, एच.एस./बी.क्यू. लगायतका रोगविरुद्ध खोप कार्यक्रम सञ्चालन हुन सक्छ। खोपको उपलब्धता र कार्यक्रमको समय स्थानीय अवस्था तथा स्वीकृत कार्यक्रमअनुसार फरक हुन सक्छ।

संक्रामक रोगबाट पशुलाई जोगाउन तथा रोगको फैलावट नियन्त्रण गर्न खोप महत्वपूर्ण हुन्छ। पशुको प्रजाति, उमेर र रोगअनुसार सम्बन्धित पशु प्राविधिक/चिकित्सकको सल्लाहमा खोप लगाउनुपर्छ।

नजिकको पशु सेवा केन्द्र/स्थानीय तहको पशु सेवा शाखा वा पशु अस्पताल तथा पशु सेवा कार्यालय, सल्यानमा सम्पर्क गर्न सकिन्छ। कार्यालयको फोन नम्बर ०८८-५२०३८२ हो।

कार्यालयले पशु स्वास्थ्य उपचार, रोग नियन्त्रण तथा रोकथाम, खोप, पशु स्वास्थ्यसम्बन्धी परामर्श, पशुपन्छी विकास तथा उत्पादन प्रवर्द्धनसम्बन्धी कार्यक्रमलगायत स्वीकृत वार्षिक कार्यक्रमअनुसार विभिन्न सेवा प्रदान गर्दछ।
www.vethossalyan.karnali.gov.np, vethossalyan